CCLMGA –ի Մասին

Լաւալի հայ համայնքի տեսիլքն ու փափաքն էր կառուցել յուշարձան մը՝ նուիրուած 1915 Մեծ Եղեռնի նահատակներու յիշատակին։ Լաւալի քաղաքապետութեան խորհուրդի՝ որոշում կայացաւ Ցեղասպանութեան Յուշարձանը կանգնել քաղաքապետութեան պատկան հողաշերտի մը վրայ։ Առ այդ կայացաւ յատուկ միացեալ մարմին մը՝ »Լաւալի Հայկական Ցեղասպանութեան Յուշարձանի Յանձնախումբը։ “Comité Conjoint Lavallois du Monument du Génocide Arménien (CCLMGA)"

 

Յանձնախումբը կազմուած է հետեւեալ եկեղեցիներու ներկայացուցիչներէն։

  • Սուրբ Գէորգ Հայաստանեայց Առաքելական Եկեղեցի
  • Սուրբ Խաչ Հայաստանեայց Առաքելական Եկեղեցի
  • Տիրամայր Նարեկի Հայ Կաթողիկէ Եկեղեցի
  • Մոնթրէալի Հայ Աւետարանական Եկեղեցի

Կատարուած են հետեւել աշխատանքները, որոնք սկսան 2010-ի Ամռան.

  • Հողօրհնէք՝ Ամենապատիւ ՏՏ Արամ Ա. Կաթողիկոսի կողմէ, մասնակցութեամբ Խաժակ Արք. Յակոբեանի, Բակրատ Եպիսկոպոս Գալստանեանի, Հայր Գէորգ Զապարեանի եւ Վեր. Աւետիս Զարիֆեանի
  • Յուշակոթողի ծրագրին բանաձեւումն ու մանրամասնութիւնները
  • Հրաւէր արուեստագէտներու ներկայացնելու իրենց յղացումները
  • Օրինական եւ ելեւմտական վաւերագրերու պատրաստութիւն
  • Յուշակոթողի ընտրութիւն
  • Յուշակոթողի ներկայացում եւ վաւերացում պատկան եկեղեցիներու պատասխանատուներուն, ինչպէս նաեւ քաղաքապետարանի ներկայաչուցիչներուն
  • Կայքէջի եւ հանքանակութեան աշխատանքներու պատրաստութիւն

 

Լաւալի Հայ Գաղութը

Իր 403,744 բնակիչներով՝ Լաւալը Քէպէք նահանքի երրորդ մեծագոյն քաղաքն է, որ կը գտնուի Մոնթրէալի հիւսիսը։ Լաւալ կղզիին տարածութիւնն է 246 քմ, շրջապատուած Տէ-Բրէրի եւ Միլ-իլ գէտերով։

 

Լաւալի հայ գաղութը ուրճացող եւ աշխոյժ գաղութ մըն է։ Ըստ 2011-ի տուեալներուն, 7,700 հայեր կը գտնուին Լաւալի մէջ, արձանագրելով 18.5 տոկոս հաւելում 2006-ի մարդահամարի համաձայն։ Լաւալի հայ գաղութը մեծաւ մասամբ հաստատուած է Շոմէտի, Սէն-Տօրօթէ եւ Ֆապրվիլ շրջաններուն մէջ։ Լաւալի մէջ կը գործեն չորս հայ եկեղեցիներ եւ դպրոց մը։

 

Յաւելեալ մանրամասնութիւններու համար կրնաք այցելել հետեւեալ կայքէջերը՝։

 

http://www.hayk.net/destinations/montreal-qc/churches/

 

www.ville.laval.qc.ca

 

http://en.wikipedia.org/wiki/Laval,_Quebec